Աղոթք նորապսակների համար:

 Տեր Աստված մեր, Դու ամենազոր ես և ստեղծիչը բոլոր արարածների, Դու որ երկրից հող վերցնելով ստեղծեցիր մարդուն Քո պատկերով և նմանությամբ և նրան հաստատեցիր երանական դրախտում: Արու և էգ ստեղծեցիր նրանց ասելով. «Աճեցեք, բազմացեք, լցրեք երկիրը և տիրեցեք դրան»:

 Եվ այժմ աղաչում ենք Քեզ, Տեր, օրհնիր նորապսակ այս ընտանիքները, ինչպես օրհնեցիր մեր նախահայրերին ու նախամայրերին, որովհետև Դու նրանց կանչեցիր արժանացնելու Քո քազցր օրհնությանը և նրանց գլուխները զարդարեցիր պատվական քարերի պսակներով, որպեսզ իրենց կյանքի ընթացքում լինեն անարատ, միմյանց սիրեն հոգևոր սիրով և ապրեն միաբան ու համերաշխ:

 Ով Տեր, Դու ոչ թե քանդեցիր ամուսնության խորհուրդը, այլ քահանայպետաբար օրհնեցիր և հաստատեցիր այն, Քո ճշմարիտ խոսքով թե. «Ինչ որ Աստված միացրեց, մարդը թող չբաժանի», որպեսզի սրանից հետո չլինեք երկու, այլ մեկ մարմին` միավորված հեզ հոգով և միմյանց սիրեք պարկեշտ վարքով, գիտակից կերպով, առանց ամոթի` մշտապես պատրաստ բարեգործության:

 Տեր Աստված մեր, հայցում ենք Քեզանից, որ Դու պաշտպան ու ապավեն լինես այս զույգերին` իրենց ողջ կյանքի ընթացքում:Փրկիր նրանց օտար խորհուրդներից և պատսպարիր գիշեր ու ցերեկ Քո ողորմությամբ: Հաստատիր նրանց որպես պտղատու ձիթենի Քո տան մեջ, որպեսզի Քո բարեսեր կամքի համաձայն ապրեն արդարությամբ, սրբությամբ և աստվածպաշտությամբ, տեսնեն իրենց որդիների որդիներին և Քեզ համար լինեն հավատարիմ ժողովուրդ և փառաբանող Քո սուրբ անվանդ` Հայր, Որդի և Սուրբ Հոգի այժմ և միշտ և հավիտյանս հավիտենից: ԱՄԵՆ;